Sanʼat va sport fakulteti

Fakultet haqida

Fakultet O‘zbekiston Respublikasi Prezidentining 2017-yil 16-avgustdagi PQ-3218-son qaroriga muvofiq tashkil etilgan O‘zbekiston davlat san’at va madaniyat institutining Farg‘ona mintaqaviy filiali negizida shakllangan.

Dastlab 5 ta ta’lim yo‘nalishi bo‘yicha 103 nafar talabani qamrab olgan fakultet bugungi kunda Qo‘qon davlat universiteti tarkibida 27 ta bakalavriat ta’lim yo‘nalishi va 9 ta magistratura mutaxassisligi bo‘yicha 2200 nafardan ortiq talaba bilan faoliyat yuritmoqda.

Fakultet ilm-fan, madaniyat, san’at va sport yo‘nalishlarida zamonaviy ta’lim dasturlarini taklif etadi. O‘zining yuqori salohiyati va mustahkam mavqei bilan ajralib turuvchi “San’at va sport” fakulteti Farg‘ona vodiysida yetuk san’at, madaniyat va sport sohasi mutaxassislarini tayyorlovchi yetakchi fakultetlardan biri hisoblanadi.

Faculty Building

Yuksak sifatli ta'lim

Zamonaviy yondashuv

Ilmiy-tadqiqot

Innovatsion loyihalar

Amaliy yo'naltirish

Bilimni amaliyotga

Xalqaro hamkorlik

Global tajriba

Fakultet missiyasi

“Ijodkorlik, san’at va sport mahorati hamda har tomonlama rivojlanish…”

1200+
Talabalar
5
Kafedralar
10+
Ilmiy loyiha
15+
Xalqaro hamkor

Ta'lim yo'nalishlari

Rahbariyat

Tojiboyev Jamshid Qoʻldoshevich

Tojiboyev Jamshid Qoʻldoshevich

Dekan
+998 73 542 12 34
saidmurodtopildiev@gmail.com

Biografiya va ilmiy faoliyat

2025-yil 22-apreldan boshlab Qo‘qon davlat universiteti “San’atshunoslik va sport” fakulteti dekani vazifasini bajaruvchi etib Jamshid Quldashevich Tadjibayev tayinlandi. Jamshid Quldashevich 1976-yil 4-oktabrda Farg‘ona viloyati, Qo‘qon shahrida tug‘ilgan. Millati — o‘zbek. 1998-yilda Qo‘qon davlat pedagogika institutining kunduzgi bo‘limini tamomlagan. 2002–2003-yillarda O‘zbekiston Respublikasi Milliy Xavfsizlik Xizmati institutida, 2012-yilda esa O‘zbekiston Respublikasi Strategiya va istiqbolni belgilash oliy maktabida malakasini oshirgan. Mutaxassisligi — jismoniy tarbiya o‘qituvchisi, ilmiy unvoni — dotsent (13.00.04 — Jismoniy tarbiya, sport mashg‘ulotlari, sog‘lomlashtiruvchi va adaptiv jismoniy tarbiya nazariyasi). Rus tilini biladi, harbiy unvoni — podpolkovnik. Mehnat faoliyati davomida u o‘qituvchilik, trenerlik, rahbarlik va davlat xavfsizlik idoralarida mas’ul lavozimlarda faoliyat yuritgan. 2022–2025-yillarda Islom Karimov nomidagi Toshkent davlat texnika universiteti Qo‘qon filiali direktorining “Yoshlarning ijtimoiy va ma’naviy barqarorligini saqlash” bo‘yicha maslahatchisi bo‘lib ishlagan.
Xolmatov Ilyor Ibroximovich

Xolmatov Ilyor Ibroximovich

Yoshlar bilan ishlash, maʼnaviyat va maʼrifat boʻyicha dekan oʻrinbosari
+998(90)-344-40-06
xolmatovilyor87@gmail.com

Biografiya va ilmiy faoliyat

Xolmatov Ilyor Ibrohimovich 2025-yil 1-apreldan buyon Qoʻqon davlat universiteti San’at va sport fakulteti Yoshlar bilan ishlash va ma’naviy-ma’rifiy ishlar bo‘yicha dekan o‘rinbosari lavozimida faoliyat yuritib kelmoqda. U 1988-yil 7-yanvarda Fargʻona viloyati Qoʻqon shahrida tugʻilgan. Millati — oʻzbek. Partiya aʼzosi emas. Maʼlumoti oliy. 2012-yilda Toshkent davlat agrar universitetini kunduzgi taʼlim shaklida, 2021-yilda esa Qoʻqon davlat pedagogika institutini kunduzgi taʼlim shaklida tamomlagan. Maʼlumoti boʻyicha mutaxassisligi — oʻsimliklar himoyasi va karantini hamda taʼlim muassasalarining boshqaruv menejmenti (magistr). Ilmiy darajasi va ilmiy unvoni yoʻq. Chet tillarini bilmaydi. Harbiy (maxsus) unvoni mavjud emas. Davlat mukofotlari bilan taqdirlanmagan. Shuningdek, xalq deputatlari respublika, viloyat, shahar yoki tuman Kengashlari deputati hamda boshqa saylanadigan organlar aʼzosi hisoblanmaydi. Mehnat faoliyatini 2008–2012-yillarda Toshkent davlat agrar universiteti talabasi sifatida boshlagan. 2014–2017-yillarda Fargʻona viloyati Oʻzbekiston sanoat va iqtisodiyot kasb-hunar kollejida ishlab chiqarish taʼlimi ustasi lavozimida ishlagan. 2017-yilda mazkur kollejda xoʻjalik ishlari boʻyicha direktor oʻrinbosari vazifasida faoliyat yuritgan. 2017–2019-yillarda Qoʻqon Bandlikka koʻmaklashish markazida muqim punkt inspektori, 2019–2021-yillarda esa bosh mutaxassis lavozimida ishlagan. 2021–2023-yillarda Qoʻqon davlat pedagogika institutida uslubchi boʻlib faoliyat olib borgan. 2023–2024-yillarda Qoʻqon davlat pedagogika instituti Sirtqi boʻlimi Matematika va informatika yoʻnalishi oʻquv ishlari boʻyicha dekan oʻrinbosari lavozimida ishlagan. 2024–2025-yillarda Qoʻqon davlat pedagogika instituti Xorijiy filologiya fakulteti Yoshlar bilan ishlash va ma’naviy-ma’rifiy ishlar boʻyicha dekan oʻrinbosari vazifasida faoliyat yuritgan. 2025-yildan hozirgi kungacha Qoʻqon davlat universiteti San’at va sport fakulteti Yoshlar bilan ishlash va ma’naviy-ma’rifiy ishlar boʻyicha dekan oʻrinbosari lavozimida ishlab kelmoqda.
Tursunov Mirkamol Turdaliyevich

Tursunov Mirkamol Turdaliyevich

Oʻquv ishlari boʻyicha dekan oʻrinbosari
+998(90)-564-14-05
tursunovmirkamol1983@gmail.com

Biografiya va ilmiy faoliyat

Tursunov Mirkamol Turdaliyevich 2021-yil 27-oktabrdan buyon Qoʻqon davlat pedagogika instituti Maktabgacha taʼlim fakulteti oʻquv ishlari boʻyicha dekan oʻrinbosari (sirtqi taʼlim) lavozimida faoliyat yuritib kelmoqda. U 1983-yil 6-oktabrda Fargʻona viloyati Dangʻara tumanida tugʻilgan. Millati — oʻzbek. Partiya aʼzosi emas. Maʼlumoti oliy. 2006-yilda Qoʻqon davlat pedagogika institutini, 2009-yilda esa Oʻzbekiston davlat jismoniy tarbiya institutini tamomlagan. Maʼlumoti boʻyicha mutaxassisligi — jismoniy tarbiya oʻqituvchisi. Ilmiy darajasi va ilmiy unvoni yoʻq. Rus tilini biladi. Harbiy (maxsus) unvoni mavjud emas. Davlat mukofotlari bilan taqdirlanmagan. Shuningdek, xalq deputatlari respublika, viloyat, shahar yoki tuman Kengashlari deputati hamda boshqa saylanadigan organlar aʼzosi hisoblanmaydi. Mehnat faoliyatini 2002–2006-yillarda Qoʻqon davlat pedagogika instituti talabasi sifatida boshlagan. 2007–2009-yillarda Oʻzbekiston davlat jismoniy tarbiya instituti magistranti boʻlgan. 2010–2012-yillarda Qoʻqon davlat pedagogika instituti Jismoniy tarbiya nazariyasi va uslubiyoti kafedrasida stajyor-oʻqituvchi lavozimida ishlagan. 2012–2021-yillarda mazkur institut Jismoniy madaniyat fakultetida oʻquv ishlari boʻyicha dekan oʻrinbosari vazifasida faoliyat olib borgan. 2021–2022-yillarda Qoʻqon davlat pedagogika instituti Jismoniy madaniyat kafedrasi oʻqituvchisi sifatida mehnat qilgan. 2022-yildan hozirgi kungacha Qoʻqon davlat pedagogika instituti Maktabgacha va boshlangʻich taʼlim fakulteti oʻquv ishlari boʻyicha dekan oʻrinbosari lavozimida ishlagan. 2025-yildan hozirgi kungacha Qoʻqon davlat universiteti San’at va sport fakulteti oʻquv ishlari boʻyicha dekan oʻrinbosari lavozimida ishlab kelmoqda.
Rajabov Azizjon Xusanovich

Rajabov Azizjon Xusanovich

Oʻquv ishlari boʻyicha dekan oʻrinbosari
+998(95)-950-52-12
azizjonrajabov89@gmail.com

Biografiya va ilmiy faoliyat

Rajabov Azizjon Xusanovich 2025-yil 2-apreldan buyon Qoʻqon davlat universiteti San’at va sport fakulteti oʻquv ishlari boʻyicha dekan oʻrinbosari lavozimida faoliyat yuritib kelmoqda. U 1989-yil 25-aprelda Fargʻona viloyati Uchkoʻprik tumanida tugʻilgan. Millati — oʻzbek. Partiya aʼzosi emas. Maʼlumoti oliy. Muhammad al-Xorazmiy nomidagi Toshkent axborot texnologiyalari universiteti Fargʻona filialini kunduzgi taʼlim shaklida tamomlagan. Mutaxassisligi — telekommunikatsiya injiniringi (“Axborot uzatish tizimlari”, “Telekommunikatsiya tarmoqlari”, “Teleradioeshittirish”). Magistr darajasiga ega. Ilmiy darajasi va ilmiy unvoni yoʻq. Rus tilini biladi. Harbiy (maxsus) unvoni mavjud emas. Davlat mukofotlari bilan taqdirlanmagan. Mehnat faoliyatini 2016–2018-yillarda Qoʻqon Turizm va servis kasb-hunar kollejida maxsus fan oʻqituvchisi sifatida boshlagan. 2018–2021-yillarda Oʻzbekiston davlat san’at va madaniyat institutining Fargʻona mintaqaviy filialida taʼlim sifatini nazorat qilish boʻlimi mutaxassisi lavozimida ishlagan. 2021–2025-yillarda mazkur institutning Fargʻona mintaqaviy filiali “Teatr san’ati va xalq ijodiyoti” fakultetida oʻquv ishlari boʻyicha dekan oʻrinbosari vazifasida faoliyat olib borgan. 2025-yildan hozirgi kungacha Qoʻqon davlat universiteti San’at va sport fakulteti oʻquv ishlari boʻyicha dekan oʻrinbosari lavozimida ishlab kelmoqda.

Qabul jadvali

Fakultet rahbariyati har chorshanba kuni soat 14:00 - 16:00 oralig'ida qabul o'tkazadi.

Jadval

Kafedralar

01

Musiqa nazariyasi kafedrasi

Mudir: Qobilova E'zozxon Bakirovna
Batafsil
02

San’atshunoslik kafedrasi

Mudir: Sharabayev Ulug’bek Muhamedovich
Batafsil
03

Cholg‘u ijrochiligi kafedrasi

Mudir: Azizov Sarvarjon Salimjon o‘g‘li
Batafsil
04

Xalq ijodiyoti kafedrasi

Mudir: Topildiyev Saidmurod Odiljon o‘g‘li
Batafsil
05

Jismoniy madaniyat kafedrasi

Mudir: Abdullayev Rustam Abduvaliyevich
Batafsil

Yutuqlarimiz

Bugungi kunda fakultetda ijodiy va ilmiy-tadqiqot faoliyati bilan shug‘ullanayotgan professor-o‘qituvchilar hamda iqtidorli talabalarni ilm-fanga yanada chuqur jalb etish orqali ular orasidan Prezident va nomli davlat stipendiyalari sohiblarini tayyorlash muhim vazifalardan biri hisoblanadi. Shuningdek, fakultetda ijodiy, ilmiy-amaliy va innovatsion loyihalar bilan ishlashning samarali mexanizmi yo‘lga qo‘yilgan.

Fakultetning xalqaro hamkorlik aloqalari keng rivojlangan bo‘lib, Turkiya, Qozog‘iston, Qirg‘iziston, Tojikiston, Rossiya Federatsiyasi, Ozarbayjon va Ispaniya davlatlaridagi oliy ta’lim muassasalari bilan hamkorlik dasturlari amalga oshirilmoqda.

Fakultetda o‘quv jarayoni dunyoning TOP-500 taligiga kiruvchi universitetlar o‘quv rejalari asosida tashkil etilgan bo‘lib, zamonaviy o‘quv xonalari va texnik jihozlar bilan ta’minlangan.

Fakultet professor-o‘qituvchilari yuqori malakali mutaxassislar bo‘lib, “ustoz-shogird” tizimi asosida talabalar bilan ishlaydi. O‘quv yili davomida 5 ga yaqin darslik, 10 ga yaqin o‘quv qo‘llanma va 20 ga yaqin monografiya chop etilgan.

Fakultet mehnat bozorida raqobatbardosh kadrlar tayyorlashga qaratilgan doimiy takomillashtirilgan reja asosida faoliyat yuritadi. Iqtidorli yoshlarni qo‘llab-quvvatlash, ularning salohiyatini ro‘yobga chiqarish hamda mamlakatimiz hududlari uchun malakali mutaxassislar tayyorlash asosiy maqsadlardan biridir.

Fakultet barcha talabalar uchun teng va adolatli ta’lim imkoniyatlarini taqdim etadi. Xususan, “Jismoniy madaniyat va sport” yo‘nalishi talabalari orasida Olimpiada, jahon va Osiyo chempionatlari g‘olib va sovrindorlari mavjud.

Fakultetda “Inkubatsiya va akseleratsiya markazi” tashkil etilgan bo‘lib, “Art Start” dasturi orqali startap loyihalar qo‘llab-quvvatlanadi. “MetaExtract” va “Personal Ensemble” loyihalari “Bo‘lajak olim” tanloviga taqdim etilgan.

Talabalar hayoti

Ma'lumotlar tez orada qo'shiladi.