Kafedra haqida
Xalq ijodiyoti kafedrasi kafedrasi Qo‘qon davlat universitetining yetakchi kafedralaridan biri hisoblanadi.
“Xalq ijodiyoti” kafedrasining missiyasi — milliy musiqa va xalq ijodiyoti an’analarini asrab-avaylash, ularni zamonaviy ta’lim va ilmiy yondashuvlar asosida rivojlantirish, ijodkor yoshlarni tarbiyalash hamda xalqaro madaniy maydonda o‘zbek milliy san’atini keng targ‘ib etishga xizmat qiluvchi yuqori malakali mutaxassislarni tayyorlashdan iborat.
Fakultet
Sanʼat va sport fakulteti
Kafedra mudiri
Topildiyev Saidmurod Odiljon o‘g‘li
Kafedra mudiri
Topildiyev Saidmurod Odiljon o‘g‘li
Kafedra mudiriBiografiya va ilmiy faoliyat
Topildiev Saidmurod Odiljon o‘g‘li 1992-yil 14-avgustda Farg‘ona viloyati Dang‘ara tumanida tug‘ilgan. Millati — o‘zbek, partiyaviyligi — yo‘q. Magistr darajasiga ega. 2015-yilda O‘zbekiston davlat konservatoriyasini (kunduzgi bo‘lim) tamomlagan, shuningdek 2021-yilda Yu. Rajabiy nomidagi O‘zbek milliy musiqa san’ati institutini tugatgan. Mutaxassisligi — xonanda, xonandalik fanlari o‘qituvchisi. Ingliz va rus tillarini lug‘at yordamida biladi. Ilmiy darajasi va ilmiy unvoni mavjud emas.
U mehnat faoliyatini 2015-yilda O‘zbekiston badiiy jamoalari direksiyasi qoshidagi “Mumtoz” ansamblida xonanda sifatida boshlagan.
2015–2016-yillarda Dang‘ara tumanidagi 27-sonli bolalar musiqa va san’at maktabida o‘qituvchi, 2016–2018-yillarda Toshkent shahri Olmazor tumanidagi 146-umumiy o‘rta ta’lim maktabida o‘qituvchi, 2018–2020-yillarda Toshkent ixtisoslashtirilgan madaniyat maktabida o‘qituvchi sifatida faoliyat yuritgan.
2021–2023-yillarda Qoʻqon davlat universiteti Farg‘ona mintaqaviy filiali “Xalq ijodiyoti” kafedrasida o‘qituvchi, 2023–2025-yillarda katta o‘qituvchi lavozimida ishlagan.
2025-yildan boshlab “Xalq ijodiyoti” kafedrasi mudiri sifatida faoliyat olib bormoqda.
Kafedra tarixi
“Xalq ijodiyoti” kafedrasi 2017–2018-o‘quv yilida O‘zbekiston davlat san’at va madaniyat institutining Farg‘ona mintaqaviy filiali tarkibida “Teatr san’ati va xalq ijodiyoti” kafedrasi sifatida o‘z faoliyatini boshlagan. 2020–2021-o‘quv yilida esa “Xalq ijodiyoti” kafedrasi sifatida alohida tarkibga ajratildi. Ushbu o‘zgarish kafedraning o‘ziga xos ilmiy-pedagogik hamda amaliy-ijodiy yo‘nalishlarga ixtisoslashishiga imkon yaratib, milliy qo‘shiqchilik sohasini rivojlantirishga xizmat qildi.
2020–2021-yillarda kafedraga Qurbonova Mukammalxon rahbarlik qilgan. Ushbu davrda O‘zbek xalq cholg‘u sozlari yo‘nalishi tashkil etilib, iqtidorli abituriyentlar talabalikka qabul qilindi.
2021–2023-yillarda kafedraga dotsent Talaboyev Azizjon mudirlik qildi. Bu yillarda kafedraga malakali professor-o‘qituvchilar jalb etildi va talabalarning ijodiy izlanishlari uchun keng imkoniyatlar yaratildi. Shuningdek, ushbu davrda talabalar tarkibida “Yangi O‘zbekiston yoshlari” ansambli tashkil etilib, u shahar va viloyat miqyosidagi festivallar hamda konsertlarda faol ishtirok etib, o‘zining yorqin chiqishlari bilan e’tibor qozondi. Bu davrda kafedrada milliy qo‘shiqchilik va maqom san’atining integratsiyalashgan asoslarini chuqur o‘qitish hamda ushbu yo‘nalishda malakali mutaxassislar tayyorlashga alohida e’tibor qaratildi.
2025-yildan hozirgi kungacha kafedraga dotsent Topildiyev Saidmurod rahbarlik qilib kelmoqda.
Kafedra missiyasi
“Xalq ijodiyoti” kafedrasining missiyasi — milliy musiqa va xalq ijodiyoti an’analarini asrab-avaylash, ularni zamonaviy ta’lim va ilmiy yondashuvlar asosida rivojlantirish, ijodkor yoshlarni tarbiyalash hamda xalqaro madaniy maydonda o‘zbek milliy san’atini keng targ‘ib etishga xizmat qiluvchi yuqori malakali mutaxassislarni tayyorlashdan iborat.
Kafedra o'qituvchilari
Kafedra yutuqlari
“Xalq ijodiyoti” kafedrasida jami 13 nafar professor-o‘qituvchi faoliyat yuritmoqda. Ularning tarkibida 5 nafar dotsent, 2 nafar O‘zbekistonda xizmat ko‘rsatgan artist, 1 nafar v.b. dotsent, shuningdek, 2 nafar katta o‘qituvchi va 3 nafar o‘qituvchi faoliyat olib bormoqda. Kafedraning ilmiy-pedagogik jamoasi yuqori malakali hamda ilmiy darajaga ega mutaxassislar bilan mustahkamlangan bo‘lib, kafedraning ilmiy salohiyat ko‘rsatkichi 55 foizni tashkil etadi. Ushbu ko‘rsatkich yildan-yilga oshib bormoqda va kafedrada ta’lim sifati hamda ilmiy-ijodiy tadqiqotlar samaradorligini yanada oshirishga xizmat qilmoqda.