Kafedralar
Gumanitar fanlar va tillar fakulteti
Tarix kafedrasi
Tarix kafedrasining missiyasi — talabalarda tarixiy tafakkur, milliy o‘zlikni anglash va fuqarolik pozitsiyasini shakllantirish, tarix fanining ilmiy-nazariy va amaliy asoslarini chuqur o‘rgatish, shuningdek, milliy va jahon tarixini xolis va ilmiy asosda tadqiq etadigan yuqori malakali mutaxassislarni tayyorlashdan iborat. Kafedra ta’lim, fan va amaliyot integratsiyasini ta’minlash, innovatsion yondashuvlarni joriy etish hamda tarixiy merosni o‘rganish va targ‘ib qilish orqali jamiyatda tarixiy ong va ma’naviy qadriyatlarni mustahkamlashni o‘zining ustuvor vazifasi sifatida belgilaydi.
Oʻzbek tili va adabiyoti kafedrasi
O‘zbek tili va adabiyoti kafedrasining missiyasi — milliy va umuminsoniy qadriyatlarga sodiq, yuksak ma’naviyatli, zamonaviy bilim va kasbiy kompetensiyalarga ega bo‘lgan raqobatbardosh mutaxassislarni tayyorlash, o‘zbek tili va adabiyoti, tilshunoslik hamda adabiyotshunoslik sohalarida ilmiy tadqiqotlarni rivojlantirish, ta’lim, fan va amaliyot integratsiyasini ta’minlashdan iborat. Kafedra o‘z faoliyatida innovatsion pedagogik texnologiyalarni joriy etish, ilmiy salohiyatni yuksaltirish, yosh tadqiqotchilarni qo‘llab-quvvatlash hamda ona tilimizning nufuzi va mavqeini xalqaro miqyosda mustahkamlashni ustuvor vazifa deb biladi.
Falsafa va dinshunoslik kafedrasi
Falsafa va dinshunoslik kafedrasi missiyasi — falsafa va dinshunoslik sohasida chuqur nazariy bilim, mustaqil fikrlash va zamonaviy ilmiy dunyoqarashga ega, yuksak ma’naviy-axloqiy fazilatlarni o‘zida mujassam etgan malakali mutaxassislarni tayyorlashdan iborat. Kafedra talabalarda tanqidiy va tahliliy tafakkurni rivojlantirish, milliy va umuminsoniy qadriyatlarga hurmat ruhini shakllantirish hamda jamiyat taraqqiyotiga xizmat qiluvchi ilmiy-pedagogik faoliyatni qo‘llab-quvvatlashni asosiy maqsad qilib belgilaydi.
Rus tili va adabiyoti kafedrasi
Rus tili va adabiyoti kafedrasi missiyasi — rus tili va adabiyoti sohasida chuqur nazariy va amaliy bilimlarga ega, yuqori malakali, zamonaviy pedagogik kompetensiyalarga ega mutaxassislarni tayyorlashdan iborat. Kafedra talabalarda til va adabiyotga doir ilmiy tafakkurni rivojlantirish, madaniyatlararo muloqot ko‘nikmalarini shakllantirish hamda vatanparvarlik va umuminsoniy qadriyatlarga sodiqlik ruhida tarbiyalashni maqsad qiladi.
Milliy g’oya va huquq kafedrasi
Milliy g‘oya va huquq kafedrasining missiyasi — milliy g‘oya va ma’naviy qadriyatlarga sodiq, huquqiy ong va huquqiy madaniyati yuksak, demokratik jamiyat rivojiga hissa qo‘shadigan, zamonaviy bilim va ko‘nikmalarga ega malakali mutaxassislarni tayyorlashdan iborat. Kafedra talabalarda vatanparvarlik, fuqarolik mas’uliyati va huquqiy tafakkurni shakllantirishni asosiy maqsad qilib qo‘yadi.
Boshlang‘ich va texnologik taʼlim fakulteti
Texnologik ta’lim va kutubxonashunoslik kafedrasi
Texnologik ta’lim kafedrasining missiyasi — zamonaviy ishlab chiqarish va ta’lim tizimi talablariga mos, yuqori malakali, ijodiy fikrlaydigan hamda innovatsion texnologiyalarni qo‘llay oladigan pedagog kadrlarni tayyorlashdan iborat. Kafedra ta’lim sifatini oshirish, amaliy ko‘nikmalarni rivojlantirish va ilmiy-tadqiqot faoliyatini kengaytirish orqali raqobatbardosh mutaxassislarni yetishtirishga xizmat qiladi.
Boshlang‘ich ta’lim kafedrasi
Boshlang‘ich ta’lim kafedrasining missiyasi — boshlang‘ich ta’lim sohasida yuqori malakali, zamonaviy pedagogik va metodik kompetensiyalarga ega, innovatsion fikrlaydigan o‘qituvchilarni tayyorlashdan iborat. Kafedra ta’lim sifatini oshirish, ilmiy-tadqiqot ishlarini rivojlantirish, raqamli va zamonaviy pedagogik texnologiyalarni o‘quv jarayoniga joriy etish orqali barkamol avlodni tarbiyalashga xizmat qiladi.
Sanʼat va sport fakulteti
Jismoniy madaniyat kafedrasi
Jismoniy madaniyat va sport kafedrasining missiyasi — talabalarda sog‘lom turmush tarzini shakllantirish, jismoniy madaniyat va sport sohasida yuqori malakali mutaxassislar tayyorlash, ilmiy-tadqiqot ishlarini rivojlantirish hamda milliy va xalqaro sport yutuqlariga erishadigan raqobatbardosh kadrlarni yetishtirishdan iborat.
Xalq ijodiyoti kafedrasi
“Xalq ijodiyoti” kafedrasining missiyasi — milliy musiqa va xalq ijodiyoti an’analarini asrab-avaylash, ularni zamonaviy ta’lim va ilmiy yondashuvlar asosida rivojlantirish, ijodkor yoshlarni tarbiyalash hamda xalqaro madaniy maydonda o‘zbek milliy san’atini keng targ‘ib etishga xizmat qiluvchi yuqori malakali mutaxassislarni tayyorlashdan iborat.
Cholg‘u ijrochiligi kafedrasi
Cholg‘u ijrochiligi kafedrasi missiyasi — milliy va jahon ijrochilik san’ati an’analari asosida yuqori malakali cholg‘u ijrochilarini tayyorlash, talabalarda ijodiy tafakkur, sahna madaniyati va professional ijrochilik mahoratini shakllantirish, shuningdek, musiqiy ta’lim va ilmiy-tadqiqot ishlarini rivojlantirish orqali madaniy-ma’naviy taraqqiyotga hissa qo‘shishdan iborat.
San’atshunoslik kafedrasi
San’atshunoslik kafedrasining missiyasi — san’atshunoslik sohasida milliy va jahon san’ati yutuqlarini chuqur o‘rgangan, zamonaviy ilmiy va pedagogik kompetensiyalarga ega, ijodiy fikrlaydigan, raqobatbardosh mutaxassislarni tayyorlashdan iborat.Kafedra ta’lim, ilm-fan va amaliyotni uyg‘unlashtirgan holda san’atshunoslik, teatr san’ati, tasviriy va amaliy san’at yo‘nalishlarida ilmiy tadqiqotlarni rivojlantirish, innovatsion yondashuvlarni joriy etish hamda milliy madaniy merosni asrab-avaylash va targ‘ib qilishni o‘z oldiga maqsad qilib qo‘yadi.
Musiqa nazariyasi kafedrasi
“Musiqa nazariyasi” kafedrasining asosiy missiyasi — milliy va jahon musiqa san’ati an’analarini chuqur egallagan, zamonaviy bilim va ko‘nikmalarga ega, ijodkor, raqobatbardosh hamda yuksak ma’naviyatli mutaxassislarni tayyorlashdan iborat.Kafedra ta’lim, ilm-fan va amaliyotni uzviy bog‘lagan holda musiqa nazariyasi, ijrochilik va amaliy san’at yo‘nalishlarida innovatsion yondashuvlarni rivojlantirish, milliy musiqa merosini asrab-avaylash va uni xalqaro miqyosda keng targ‘ib qilishni o‘z oldiga maqsad qilib qo‘ygan.
Tabiiy fanlar va iqtisodiyot fakulteti
Geografiya va iqtisodiyot kafedrasi
Kafedraning asosiy missiyasi — geografiya va iqtisodiyot sohalarida zamonaviy bilimlarga ega, ilmiy-tadqiqot olib borishga qodir, innovatsion fikrlaydigan hamda kasbiy kompetensiyaga ega yuqori malakali mutaxassislarni tayyorlashdan iborat. Shuningdek, kafedra hududiy rivojlanish, barqaror iqtisodiy taraqqiyot va ekologik muvozanatni ta’minlashga xizmat qiluvchi ilmiy izlanishlarni amalga oshiradi.
Fizika va astronomiya kafedrasi
Fizika va astronomiya kafedrasi missiyasiZamonaviy ilm-fan va innovatsion texnologiyalar asosida raqobatbardosh, yuqori malakali mutaxassislarni tayyorlash, talabalarda ilmiy tafakkur, tadqiqotchilik ko‘nikmalari hamda koinot va tabiat hodisalariga ilmiy yondashuvni shakllantirishdan iborat.
Biologiya kafedirasi
Kafedra missiyasi — biologiya sohasida zamonaviy bilim va innovatsion yondashuvlar asosida yuqori malakali mutaxassislarni tayyorlash, ilmiy-tadqiqot ishlarini rivojlantirish hamda ta’lim va fan integratsiyasini mustahkamlash orqali jamiyat taraqqiyotiga xizmat qilishdan iborat.
Kimyo va ekologiya kafedrasi
Kimyo va ekologiya kafedrasi missiyasi — zamonaviy bilim, innovatsion yondashuv va ilmiy tadqiqotlar asosida raqobatbardosh, yuqori malakali mutaxassislarni tayyorlash, kimyo va ekologiya sohalarida ilm-fan rivojiga hissa qo‘shish hamda jamiyatning barqaror taraqqiyotiga xizmat qiluvchi ekologik madaniyatni shakllantirishdan iborat.
Aniq fanlar va muhandislik fakulteti
Elektr texnologiyalari kafedrasi
Elektr texnologiyalari kafedrasining missiyasi — zamonaviy muhandislik ta’limi standartlariga mos, yuqori malakali, innovatsion fikrlaydigan va raqobatbardosh mutaxassislarni tayyorlash, ilmiy-tadqiqot ishlarini rivojlantirish hamda elektr energetikasi va elektr texnologiyalari sohasida dolzarb muammolarga ilmiy-amaliy yechimlar ishlab chiqishdan iborat.Kafedra ta’lim, ilm-fan va ishlab chiqarish integratsiyasini ta’minlagan holda, ilg‘or pedagogik texnologiyalarni joriy etish, xalqaro hamkorlikni kengaytirish hamda talabalarni ilmiy izlanish va innovatsion faoliyatga jalb etishni o‘zining ustuvor yo‘nalishi sifatida belgilaydi.Shuningdek, kafedra hududiy va global miqyosda elektr texnologiyalari sohasining barqaror rivojlanishiga hissa qo‘shadigan, kasbiy kompetensiyaga ega, tashabbuskor va ijodkor kadrlarni yetishtirishni maqsad qiladi.
Kimyo muhandisligi kafedrasi
Kimyo muhandisligi kafedrasining missiyasi — zamonaviy kimyoviy texnologiyalar, muhandislik bilimlari hamda innovatsion yondashuvlarga ega yuqori malakali mutaxassislarni tayyorlash, ta’lim, ilm-fan va ishlab chiqarish integratsiyasini ta’minlash, shuningdek, ekologik barqarorlik va sanoat rivojiga xizmat qiluvchi ilmiy-tadqiqotlarni amalga oshirishdan iborat.
Matematika kafedrasi
Matematika kafedrasining missiyasi — yuqori malakali, zamonaviy ilmiy va pedagogik kompetensiyalarga ega mutaxassislarni tayyorlash, matematik fanlarni chuqur o‘qitish orqali talabalarda mantiqiy fikrlash, ilmiy-tadqiqot ko‘nikmalari va innovatsion yondashuvni rivojlantirish, shuningdek, ta’lim va ilm-fan integratsiyasini ta’minlashdan iborat.
Muhandislik texnologiyalari kafedrasi
Muhandislik texnologiyalari kafedrasining missiyasi — zamonaviy muhandislik ta’limi talablariga mos, yuqori malakali, innovatsion fikrlaydigan va raqobatbardosh mutaxassislarni tayyorlash, ilmiy-tadqiqot faoliyatini rivojlantirish hamda muhandislik sohasidagi dolzarb muammolarga ilmiy-amaliy yechimlar ishlab chiqishdan iborat.Kafedra ta’lim, ilm-fan va ishlab chiqarish integratsiyasini ta’minlash, ilg‘or pedagogik va raqamli texnologiyalarni joriy etish, shuningdek, xalqaro hamkorlikni kengaytirish orqali mintaqaviy va global miqyosda muhandislik sohasining rivojiga hissa qo‘shishni o‘z oldiga maqsad qiladi.
Raqamli texnologiyalar va sun’iy intellekt kafedrasi
“Raqamli texnologiyalar va sun’iy intellekt” kafedrasining missiyasi — zamonaviy raqamli iqtisodiyot va innovatsion jamiyat talablariga javob beradigan yuqori malakali, raqobatbardosh kadrlarni tayyorlashdan iborat. Kafedra o‘quv jarayonida raqamli texnologiyalar, sun’iy intellekt, dasturlash va axborot tizimlari sohalaridagi ilg‘or bilimlarni integratsiyalash asosida talabalarda mustaqil fikrlash, innovatsion yondashuv va amaliy ko‘nikmalarni shakllantirishni maqsad qiladi.Shuningdek, kafedra ilmiy-tadqiqot ishlarini rivojlantirish, xalqaro hamkorlikni kengaytirish hamda ta’lim jarayonini global standartlarga moslashtirish orqali jamiyat taraqqiyotiga hissa qo‘shishni o‘z oldiga vazifa qilib qo‘yadi.
Pedagogika va psixologiya fakulteti
Maktabgacha ta’lim kafedrasi
Maxsus pedagogika kafedrasining missiyasi — maxsus ta’lim ehtiyojlariga ega bolalar bilan ishlash bo‘yicha yuqori malakali, insonparvar, innovatsion yondashuvlarga ega pedagog kadrlarni tayyorlashdan iborat. Kafedra inklyuziv ta’limni rivojlantirish, zamonaviy korreksion-pedagogik texnologiyalarni joriy etish hamda ilmiy-tadqiqot ishlarini rivojlantirish orqali jamiyatda teng ta’lim imkoniyatlarini ta’minlashga xizmat qiladi.
Pedagogika kafedrasi
Pedagogika kafedrasining missiyasi — zamonaviy bilim va yuqori kasbiy kompetensiyalarga ega, ijodiy fikrlaydigan, raqobatbardosh pedagog kadrlarni tayyorlash, ta’lim jarayoniga innovatsion pedagogik texnologiyalarni joriy etish hamda ilmiy-tadqiqot faoliyatini rivojlantirishdan iborat.Kafedra ta’lim sifatini oshirish, milliy va umuminsoniy qadriyatlar asosida barkamol avlodni tarbiyalash, shuningdek, ilm-fan va amaliyot integratsiyasini ta’minlash orqali jamiyat rivojiga hissa qo‘shishni maqsad qiladi.
Psixologiya kafedrasi
Psixologiya kafedrasining missiyasi — zamonaviy bilim va kasbiy kompetensiyalarga ega, yuqori malakali psixolog mutaxassislarni tayyorlash, ilmiy-tadqiqot faoliyatini rivojlantirish hamda jamiyatda psixologik madaniyatni yuksaltirishga xizmat qilishdan iborat.Kafedra ta’lim jarayonida innovatsion pedagogik texnologiyalarni joriy etish, talabalarning ilmiy-amaliy ko‘nikmalarini shakllantirish va milliy hamda xalqaro hamkorlikni kengaytirishga alohida e’tibor qaratadi. Shuningdek, psixologiya fanini rivojlantirish, yosh avlodning intellektual salohiyatini oshirish hamda ta’lim va ijtimoiy sohalarda psixologik xizmat sifatini takomillashtirishni maqsad qiladi.
Maxsus pedagogika kafedrasi
Maxsus pedagogika kafedrasining asosiy missiyasi rivojlanishida turli xil nuqsonlari bo‘lgan bolalar bilan ishlashga ixtisoslashgan, zamonaviy bilim va ko‘nikmalarga ega, yuqori malakali pedagog kadrlarni tayyorlashdan iborat. Kafedra inklyuziv ta’lim tamoyillarini rivojlantirish, ilmiy-tadqiqot ishlarini amalga oshirish hamda maxsus ta’lim sohasida innovatsion yondashuvlarni joriy etishni maqsad qiladi. Shuningdek, nogironligi bo‘lgan shaxslarning jamiyatga integratsiyasini qo‘llab-quvvatlashga xizmat qiladi.
Xorijiy filologiya fakulteti
Xorijiy tillar nazariyasi kafedrasi
Xorijiy tillar nazariyasi kafedrasining missiyasi — zamonaviy lingvistik nazariyalar asosida xorijiy tillarni ilmiy jihatdan chuqur o‘rganish, yuqori malakali, raqobatbardosh filolog va tadqiqotchilarni tayyorlash, ilmiy-tadqiqot faoliyatini rivojlantirish hamda milliy va umuminsoniy qadriyatlarga sodiq, mustaqil fikrlovchi mutaxassislarni shakllantirishdan iborat.
Xorijiy tillar metodikasi kafedrasi
Xorijiy tillar metodikasi kafedrasining missiyasi — zamonaviy ta’lim standartlari asosida xorijiy tillarni o‘qitishning ilmiy-metodik asoslarini rivojlantirish, yuqori malakali, raqobatbardosh pedagog kadrlarni tayyorlash, ta’lim jarayoniga innovatsion texnologiyalarni joriy etish hamda milliy va umuminsoniy qadriyatlarga sodiq, ijodkor va mustaqil fikrlovchi mutaxassislarni shakllantirishdan iborat.
Fakultetlararo tillar kafedrasi
Fakultetlararo tillar kafedrasining missiyasi — zamonaviy ta’lim standartlari asosida xorijiy va ona tilini chuqur o‘rgatish, kommunikativ kompetensiyaga ega, raqobatbardosh mutaxassislarni tayyorlash, ilmiy-tadqiqot faoliyatini rivojlantirish hamda milliy va umuminsoniy qadriyatlarga sodiq, mustaqil fikrlovchi shaxslarni tarbiyalashdan iborat.