Kafedra haqida
Kimyo muhandisligi kafedrasi kafedrasi Qo‘qon davlat universitetining yetakchi kafedralaridan biri hisoblanadi.
Kimyo muhandisligi kafedrasining missiyasi — zamonaviy kimyoviy texnologiyalar, muhandislik bilimlari hamda innovatsion yondashuvlarga ega yuqori malakali mutaxassislarni tayyorlash, ta’lim, ilm-fan va ishlab chiqarish integratsiyasini ta’minlash, shuningdek, ekologik barqarorlik va sanoat rivojiga xizmat qiluvchi ilmiy-tadqiqotlarni amalga oshirishdan iborat.
Fakultet
Aniq fanlar va muhandislik fakulteti
Kafedra mudiri
Otakuziyeva Vazira Usmonjonovna
Kafedra mudiri
Otakuziyeva Vazira Usmonjonovna
Kafedra mudiriBiografiya va ilmiy faoliyat
Otakuziyeva Vaziraxon Usmonjonovna 2026-yil mart oyidan boshlab Qo‘qon davlat universiteti “Kimyo muhandisligi va geodeziya” kafedrasi mudiri lavozimida faoliyat yuritib kelmoqda.
U 1984-yil 13-fevralda Farg‘ona viloyati Dang‘ara tumanida tug‘ilgan. Millati — o‘zbek, partiyaviyligi — yo‘q.
Ma’lumoti oliy. 2006-yilda Qo‘qon davlat pedagogika institutini, 2008-yilda esa magistratura bosqichini tamomlagan. Mutaxassisligi — kimyo ekologiya va kimyo.
Texnika fanlari bo‘yicha falsafa doktori (PhD), dotsent ilmiy unvoniga ega. Rus va ingliz tillarini (lug‘at yordamida) biladi. Davlat mukofotlari bilan taqdirlanmagan. Deputat yoki saylanadigan organlar a’zosi emas.
U mehnat faoliyatini 2002–2006-yillarda talaba sifatida boshlagan. 2007–2016-yillarda “Farg‘ona avtomobil yo‘llarini loyihalash instituti” MChJda turli texnik lavozimlarda ishlagan. 2018–2021-yillarda TDTU Qo‘qon filiali kadrlar bo‘limida inspektor bo‘lgan. 2021–2023-yillarda kafedralarda assistent va katta o‘qituvchi lavozimlarida faoliyat yuritgan. 2023–2025-yillarda “Kimyoviy texnologiya” kafedrasi mudiri bo‘lgan. 2025-yildan boshlab Qo‘qon davlat universitetida turli lavozimlarda ishlagan va 2026-yildan yana kafedra mudiri sifatida faoliyatini davom ettirmoqda.
Kafedra tarixi
Qo‘qon davlat universiteti “Kimyo texnologiyalari va tabiiy fanlar” fakulteti “Kimyo muhandisligi” kafedrasi 2023–2024-o‘quv yilining sentabr oyida Islom Karimov nomidagi Toshkent davlat texnika universiteti Qo‘qon filiali “Elektronika va elektr texnikasi” fakulteti “Ijtimoiy va aniq fanlar” kafedrasidan mustaqil kafedra sifatida ajralib chiqdi. Ushbu o‘zgarish kafedraning o‘ziga xos ilmiy-texnologik yo‘nalishlarga ixtisoslashishiga va kimyoviy texnologiyalar sohasini rivojlantirishga xizmat qildi.
2023–2024-yillar davomida kafedra “Kimyoviy texnologiyalar” nomi ostida faoliyat yuritib, iqtisodiyot va menejment yo‘nalishlari bilan integratsiyalashgan fanlarni chuqur o‘qitishga alohida e’tibor qaratdi. Ushbu davrda ta’lim dasturlari innovatsion yondashuvlar asosida shakllantirildi.
2024–2025-yillarda kafedra “Muhandislik” fakulteti tarkibida “Kimyoviy texnologiyalar” kafedrasi sifatida faoliyatini davom ettirdi. Bu davrda nazariy va amaliy tayyorgarlikni takomillashtirish, zamonaviy texnologiyalarni ta’lim jarayoniga joriy etish orqali malakali mutaxassislar tayyorlashga e’tibor qaratildi.
2025-yil 3-yanvardan boshlab kafedra “Kimyo muhandisligi, iqtisodiyot va ijtimoiy fanlar” nomi bilan faoliyat yuritib, ta’lim va ilmiy-tadqiqot ishlarini yanada kengaytirish, shuningdek, ekologik, iqtisodiy va ijtimoiy muammolar yechimiga yo‘naltirilgan mutaxassislar tayyorlashni maqsad qildi.
2025-yil 2-apreldan Qo‘qon davlat universiteti “Kimyo texnologiyalari va tabiiy fanlar” fakultetida “Kimyo muhandisligi” kafedrasi sifatida qayta tashkil etilib, o‘z faoliyatini davom ettirmoqda. 2025-yil 28-avgustdan esa “Kimyo muhandisligi va geodeziya” kafedrasi tarkibida faoliyatini davom ettirmoqda.
2023–2024, 2024–2025 o‘quv yillari hamda 2025–2026 o‘quv yilining 28-avgustiga qadar kafedraga texnika fanlari bo‘yicha falsafa doktori (PhD), dotsent V.U. Otakuziyeva rahbarlik qilgan.
Kafedra missiyasi
Kimyo muhandisligi kafedrasining missiyasi — zamonaviy kimyoviy texnologiyalar, muhandislik bilimlari hamda innovatsion yondashuvlarga ega yuqori malakali mutaxassislarni tayyorlash, ta’lim, ilm-fan va ishlab chiqarish integratsiyasini ta’minlash, shuningdek, ekologik barqarorlik va sanoat rivojiga xizmat qiluvchi ilmiy-tadqiqotlarni amalga oshirishdan iborat.
Kafedra o'qituvchilari
Kafedra yutuqlari
Kimyo muhandisligi kafedrasida 14 nafar professor-o‘qituvchi faoliyat yuritadi. Ularning tarkibida 2 nafar fan nomzodi, 3 nafar falsafa doktori (PhD), shuningdek, 1 nafar fan doktori (DSc) hamda dotsent va o‘qituvchilar faoliyat olib boradi. Kafedraning ilmiy-pedagogik jamoasi yuqori malakali va ilmiy darajaga ega mutaxassislar bilan mustahkamlangan bo‘lib, ilmiy salohiyat ko‘rsatkichi 66 foizni tashkil etadi. Ushbu ko‘rsatkich yildan yilga oshib bormoqda va bu holat ta’lim sifati hamda ilmiy-tadqiqot ishlari samaradorligini yanada oshirishga xizmat qilmoqda.