
Qöqon davlat universitetida yoşlar örtasida ma’naviy-ma’rifiy muhitni mustahkamlaş, ularning mafkuraviy immunitetini yuksaltiriş, turli yot ğoyalar va zararli axborotlar ta’siridan himoya qiliş hamda milliy va umuminsoniy qadriyatlarga hurmat ruhida tarbiyalaşga qaratilgan “Jaholatga qarşi — ma’rifat bilan kuraş” mavzusida ma’rifiy uçraşuv bölib ötdi.
Tadbirda Din işlari böyiça qömitaning Farğona viloyati hududiy boşqarmasi boş mutaxassisi Zokirjon Hakimov, birinçi prorektor Ahmadjon Xusanov, islomşunos olim Farrux Kuşbayev hamda talabalar iştirok etdi.
Ma’rifat — jaholatga qarşi eng kuçli vosita
Bugungi globallaşuv va axborot almaşinuvi jadal rivojlanayotgan davrda yoşlarning bilim va dunyoqaraşini kengaytiriş, ularni mustaqil fikrlaşga örgatiş, turli mafkuraviy tahdidlar hamda axborot xurujlariga nisbatan mustahkam immunitetini şakllantiriş muhim ahamiyat kasb etadi. Ayniqsa, internet va ijtimoiy tarmoqlarda tarqalayotgan turli mazmundagi axborotlarni töğri tahlil qiliş, ularning işonçliligini baholaş hamda zararli ğoyalardan ogoh böliş yoşlar oldidagi dolzarb vazifalardan biridir.
Uçraşuv davomida sözga çiqqanlar jaholatning jamiyat taraqqiyoti, inson tafakkuri va ma’naviy kamolotiga salbiy ta’siri, unga qarşi kuraşişda ilm-ma’rifat, ta’lim-tarbiya va soğlom dunyoqaraşning örni xususida atrofliça fikr bildirdilar.
Ta’kidlanganidek, ma’rifat insonni ezgulikka yetaklaydigan, uning tafakkurini boyitadigan va hayotda töğri yöl tanlaşiga kömaklaşadigan muhim omildir. Bilimli, mustaqil fikrlaydigan, özining hayotiy pozitsiyasiga ega yoşlar turli zararli ğoyalar va buzğunçi qaraşlarga qarşi tura oladi.
Şu bois yoş avlodni zamonaviy bilimlar bilan qurollantiriş, ularning ma’naviy olamini boyitiş, kitobxonlik madaniyatini rivojlantiriş hamda milliy qadriyatlarga sadoqat ruhida tarbiyalaş ta’lim muassasalari oldida turgan ustuvor vazifalardan hisoblanadi.
Yoşlar mafkuraviy tahdidlarga befarq bölmasligi lozim
Tadbirda soha mutaxassislari tomonidan bugungi kunda yoşlar orasida uçraşi mumkin bölgan turli mafkuraviy tahdidlar, ekstremistik va radikal ğoyalarning mazmun-mohiyati, ularning inson va jamiyat hayotiga salbiy ta’siri haqida tuşunçalar berildi.
Xususan, internet tarmoği va ijtimoiy platformalardan foydalanişda huşyorlikni saqlaş, şubhali manbalardan tarqatilayotgan ma’lumotlarga tanqidiy yondaşiş, tekşirilmagan axborotlarni tarqatmaslik hamda har qanday ğoyani ilmiy va mantiqiy tahlil qiliş zarurligi qayd etildi.
Şuningdek, yoşlarning böş vaqtini mazmunli taşkil etiş, ularni ilm-fan, sport, madaniyat va san’atga keng jalb qiliş, ijtimoiy faolligini oşiriş hamda jamiyat hayotida munosib örin egallaşlariga kömaklaşiş masalalariga ham e’tibor qaratildi.
Bunday ma’rifiy uçraşuvlar talabalarda turli tahdidlarga nisbatan ogohlikni kuçaytiriş, huquqiy va ma’naviy bilimlarini oşiriş, öz fikrini erkin va asosli ifoda etiş könikmalarini rivojlantirişga xizmat qilişi ta’kidlandi.
Oçiq muloqot va fikr almaşinuvi
Uçraşuv davomida talabalar özlarini qiziqtirgan savollar bilan mutaxassislarga murojaat qilib, mavzu yuzasidan fikr va mulohazalarini bildirdilar. Savol-javoblar jarayonida yoşlarni qiziqtirgan masalalar yuzasidan tegişli tuşuntirişlar berildi.
Muloqotda yoşlarning ma’naviy barkamolligini ta’minlaş, ularda vatanparvarlik, insonparvarlik, bağrikenglik va daxldorlik tuyğularini mustahkamlaş, tinçlik va osoyiştalikning qadriga yetiş hamda jamiyat taraqqiyotiga munosib hissa qöşiş masalalari alohida örin tutdi.
Qöqon davlat universitetida bu kabi ma’naviy-ma’rifiy tadbirlarni taşkil etişdan közlangan asosiy maqsad — talaba-yoşlarning bilim va tafakkurini yuksaltiriş, ularni turli zararli ğoyalardan himoya qiliş, mustaqil fikrlaydigan, yuksak ma’naviyatli va faol fuqarolar etib tarbiyalaşdan iborat.
Zero, jaholatga qarşi kuraşning eng samarali yöli — ilm-ma’rifatni keng tarğib etiş, yoşlar qalbida ezgulik, bilimga intiliş va Vatanga muhabbat tuyğularini mustahkamlaşdir.
Öxşaş yangiliklar

“Yaşil makon” — tabiatni asraş va ekologik madaniyatni yuksaltiriş yölida
Qöqon davlat universitetida “Yaşil makon: ösimlik va hayvonot dunyosini muhofaza qiliş va yoş avlodni tarbiyalaşda tabiatni asraşni örgatiş” mavzusida xalqaro ilmiy-amali…

Raqamli qaramlik va sun’iy intellekt: dolzarb muammoga bağişlangan anjuman ötkazildi
Mamlakatimizda raqamli texnologiyalar şiddat bilan rivojlanib borayotgan bir davrda jamiyat oldida turgan dolğzarb masalalarga bağişlangan muhim ilmiy-amaliy anjuman böli…

Fizika va astronomiya ta’limida zamonaviy yondaşuvlar muhokama qilindi
Mamlakatimizda ilm-fan va ta’lim integratsiyasini kuçaytiriş, fundamental tadqiqotlar natijalarini amaliyotga keng joriy etiş hamda yangi avlod olimlari uçun samarali mul…





