
Qöqon davlat universitetida “Yaşil makon: ösimlik va hayvonot dunyosini muhofaza qiliş va yoş avlodni tarbiyalaşda tabiatni asraşni örgatiş” mavzusida xalqaro ilmiy-amaliy konferensiya ötkazildi.
Unda Özbekiston bilan bir qatorda Rossiya, Qozoğiston va Qirğizistondan kelgan olimlar iştirok etib, biologiya, botanika, zoologiya, ekologiya va biologik ta’limning dolzarb masalalarini muhokama qildilar.
Anjuman “Yaşil makon” umummilliy taşabbusining maqsadlariga hamohang ravişda ekologik barqarorlikni ta’minlaş, biologik xilma-xillikni saqlaş, tabiiy resurslardan oqilona foydalaniş hamda yoş avlodda tabiatga mas’uliyatli munosabatni şakllantiriş masalalariga bağişlandi.
Konferensiya doirasida botanika va zoologik tadqiqotlarning zamonaviy yönalişlari, atrof-muhitni muhofaza qiliş va barqaror rivojlaniş hamda biologik ta’limni takomillaştirişga oid mavzular uçta şöba doirasida körib çiqildi.
Ma’ruzalarda Markaziy Osiyo florasi, Özbekiston umurtqali hayvonlarining molekulyar-genetik xilma-xilligi, noyob ösimlik turlarini asraş, tuproq xususiyatlari va tabiiy ekotizimlarni örganiş kabi masalalar qamrab olindi. Şuningdek, biologiyani öqitişning zamonaviy usullari, elektron darsliklardan foydalaniş va öquvçilarning amaliy bilimlarini rivojlantirişga oid ilmiy izlanişlar taqdim etildi.
Rossiya, Qozoğiston va Qirğiziston olimlarining iştiroki anjumanning xalqaro ahamiyatini yanada oşirdi. Turli ilmiy maktablar vakillari örtasidagi tajriba almaşinuvi biologik xilma-xillikni örganiş, ekologik muammolarga ilmiy yeçim topiş va ilmiy hamkorlik aloqalarini rivojlantiriş uçun muhim imkoniyat yaratdi.
Mazkur ilmiy-amaliy anjuman tabiiy fanlar sohasidagi dolzarb masalalarni muhokama qiliş, ilmiy izlanişlar natijalarini ommalaştiriş va xalqaro hamkorlikni mustahkamlaşga xizmat qildi.
Zero, biologik xilma-xillikni muhofaza qiliş, ekologik madaniyatni yuksaltiriş va ilm-fan yutuqlarini amaliyotga tatbiq etiş orqali barqaror kelajak uçun mustahkam zamin yaratiş mumkin.
Öxşaş yangiliklar

Raqamli qaramlik va sun’iy intellekt: dolzarb muammoga bağişlangan anjuman ötkazildi
Mamlakatimizda raqamli texnologiyalar şiddat bilan rivojlanib borayotgan bir davrda jamiyat oldida turgan dolğzarb masalalarga bağişlangan muhim ilmiy-amaliy anjuman böli…

Fizika va astronomiya ta’limida zamonaviy yondaşuvlar muhokama qilindi
Mamlakatimizda ilm-fan va ta’lim integratsiyasini kuçaytiriş, fundamental tadqiqotlar natijalarini amaliyotga keng joriy etiş hamda yangi avlod olimlari uçun samarali mul…

Boşlanğiç ta’lim istiqbollari xalqaro miqyosda muhokama qilindi
Qöqon davlat universitetida “Boşlanğiç ta’limni rivojlantirişning global masalalari: muammo va yeçimlar” mavzusida xalqaro ilmiy-amaliy konferensiya bölib ötdi. An’anaviy…












