
Bugun — öz tariximizning eng oğriqli sahifalarini esga oliş, siyosiy qatağon qurboni bölgan adib va ziyolilarimizni xotirlaş kuni sifatida alohida ahamiyat kasb etmoqda. Şu munosabat bilan Qöqon davlat universiteti jamoasi — rektor Dilnoza Xodjayeva, soha prorektorlari, fakultet dekanlari, professor-öqituvçilar va talaba-yoşlar Qöqon şahridagi “Adiblar xiyoboni”ga taşrif buyurdi.
Bu yerda Amiriy, Nodira, Uvaysiy, Muqimiy, Zavqiy, Furqat, Haziniy, Hamza Hakimzoda Niyoziy, Abdulla Qahhor, Usmon Nosir, Çarçiy va Sobir Abdulla kabi özbek adabiyotining zabardast namoyandalariga örnatilgan haykaltaroşlik işlari har bir taşrif buyuruvçini öziga rom qiladi.
Tadbir davomida ijodkorlar orasida Usmon Nosirning hayoti va ijodi, uning qatağon yillarida körsatgan maʼnaviy matonati alohida yodga olindi. Professor-öqituvçilar tomonidan Usmon Nosirning ijodiy merosi, milliy uyğoniş davri adabiyotidagi hissasi haqida fikrlar bildirildi.
Talaba-yoşlar esa maşhur şoirning şeʼrlaridan namunalar öqib berdi. Şeʼrlar xiyobon sokinligida jaranglab, tarixning oğir xotiralari bilan uyğunlaşdi. Bu nafaqat maʼrifiy, balki tarbiyaviy ahamiyatga ega bölgan daqiqalar böldi.
Tadbir iştirokçilari qatağon yillarida beayov jazolangan Usmon Nosir xotirasini hurmat bilan yod etib, uning bebaho merosi keyingi avlodlarga yetib borişi, adabiy va tarixiy xotiraning asrab-avaylanişi muhimligini taʼkidladilar.
Bugungi taşrif – nafaqat xotira, balki ötmişdan saboq oliş, maʼnaviy merosni qadrlaş va uni yoş avlod qalbida uyğotiş yölidagi navbatdagi muhim qadamlardan biridir.
Öxşaş yangiliklar

“Yaşil makon” — tabiatni asraş va ekologik madaniyatni yuksaltiriş yölida
Qöqon davlat universitetida “Yaşil makon: ösimlik va hayvonot dunyosini muhofaza qiliş va yoş avlodni tarbiyalaşda tabiatni asraşni örgatiş” mavzusida xalqaro ilmiy-amali…

Raqamli qaramlik va sun’iy intellekt: dolzarb muammoga bağişlangan anjuman ötkazildi
Mamlakatimizda raqamli texnologiyalar şiddat bilan rivojlanib borayotgan bir davrda jamiyat oldida turgan dolğzarb masalalarga bağişlangan muhim ilmiy-amaliy anjuman böli…

Fizika va astronomiya ta’limida zamonaviy yondaşuvlar muhokama qilindi
Mamlakatimizda ilm-fan va ta’lim integratsiyasini kuçaytiriş, fundamental tadqiqotlar natijalarini amaliyotga keng joriy etiş hamda yangi avlod olimlari uçun samarali mul…

