
Qöqon davlat universitetida yoşlar örtasida ma’naviy-ma’rifiy muhitni mustahkamlaş, ularning mafkuraviy immunitetini yuksaltiriş, turli yot ğoyalar va zararli axborotlar ta’siridan himoya qilişga qaratilgan “Jaholatga qarşi — ma’rifat” mavzusida ma’rifiy uçraşuv bölib ötdi.
Tadbirda yoşlarning bugungi axborot makonida uçrayotgan turli tahdid va salbiy ta’sirlarga nisbatan ongli va tanqidiy munosabatini şakllantiriş, har qanday ma’lumotni tahlil qiliş va işonçli manbalar asosida xulosa çiqariş könikmalarini rivojlantiriş masalalariga alohida e’tibor qaratildi. Şuningdek, yoşlarni milliy va umuminsoniy qadriyatlarga hurmat ruhida tarbiyalaş, ularning ma’naviy dunyoqaraşini kengaytiriş muhimligi ta’kidlandi.
Muloqot davomida jaholatga qarşi kuraşning eng samarali vositalaridan biri bilim va ma’rifat ekani qayd etildi. Yoşlarning böş vaqtini mazmunli taşkil etiş, kitobxonlik madaniyatini rivojlantiriş, ilm-fan va ta’limga bölgan qiziqişini oşiriş, zamonaviy bilim va kasbiy könikmalarni egallaşga intilişini qöllab-quvvatlaş yuzasidan fikr va tavsiyalar bildirildi.
Şuningdek, internet va ijtimoiy tarmoqlardan foydalanişda axborot xavfsizligiga rioya qiliş, turli provokatsion, işonçsiz va zararli kontentlarga berilmaslik, yoşlarning mustaqil fikrlaşi va töğri qaror qabul qiliş qobiliyatini şakllantiriş borasida tuşuntirişlar berildi.
Oçiq muloqot va savol-javoblarga boy tarzda ötgan uçraşuvda yoşlar özlarini qiziqtirgan savollarga mutaxassislar tomonidan batafsil javob oldilar. Tadbir yakunida har bir yoşning bilim oliş, izlaniş va tafakkurini rivojlantirişga intilişi jamiyat taraqqiyoti uçun muhim omil ekani ta’kidlandi.
Uçraşuv yoşlarni jaholat va zararli ğoyalar ta’siridan asraş, ularning ma’naviy-axloqiy qaraşlarini mustahkamlaş hamda bilim va ma’rifatga intilişini rağbatlantirişda bunday tarğibot-taşviqot tadbirlarining ahamiyatini yana bir bor namoyon etdi.
Öxşaş yangiliklar

“Yaşil makon” — tabiatni asraş va ekologik madaniyatni yuksaltiriş yölida
Qöqon davlat universitetida “Yaşil makon: ösimlik va hayvonot dunyosini muhofaza qiliş va yoş avlodni tarbiyalaşda tabiatni asraşni örgatiş” mavzusida xalqaro ilmiy-amali…

Raqamli qaramlik va sun’iy intellekt: dolzarb muammoga bağişlangan anjuman ötkazildi
Mamlakatimizda raqamli texnologiyalar şiddat bilan rivojlanib borayotgan bir davrda jamiyat oldida turgan dolğzarb masalalarga bağişlangan muhim ilmiy-amaliy anjuman böli…

Fizika va astronomiya ta’limida zamonaviy yondaşuvlar muhokama qilindi
Mamlakatimizda ilm-fan va ta’lim integratsiyasini kuçaytiriş, fundamental tadqiqotlar natijalarini amaliyotga keng joriy etiş hamda yangi avlod olimlari uçun samarali mul…




