
«Visiting Global Professors Week» doirasida xorijiy professor-öqituvçilar iştirokida ilmiy seminarlar, mahorat darslari va ma’ruzalar taşkil etilmoqda.
Qöqon davlat universitetida xalqaro hamkorlik aloqalarini mustahkamlaş, ta’lim jarayoniga ilğor xorijiy tajribalarni keng joriy etiş, professor-öqituvçilar hamda talabalarning xalqaro akademik muloqot imkoniyatlarini kengaytirişga qaratilgan «Visiting Global Professors Week» xalqaro haftaligi doirasidagi tadbirlar davom etmoqda. Haftalik davomida xorijiy oliy ta’lim muassasalarining yetakçi professor-öqituvçilari iştirokida turli yönalişlarda ilmiy-ma’rifiy uçraşuvlar, ma’ruzalar, seminarlar va mahorat darslari taşkil etilmoqda. Mazkur tadbirlar universitetning xalqaro ilmiy-ta’limiy aloqalarini rivojlantiriş, zamonaviy bilim va tajribalarni özlaştiriş hamda ilmiy hamkorlikning yangi istiqbollarini belgilaşga xizmat qilmoqda.
Xalqaro haftalik doirasida Aniq fanlar va muhandislik fakulteti Elektr texnologiyalari kafedrasi taşabbusi bilan «Energiya tejamkorlik» mavzusida xalqaro ilmiy seminar taşkil etildi. Seminarda M. Auezov nomidagi Janubiy Qozoğiston universiteti dotsenti, PhD Gulmira Edilovna Saxmetova xalqaro ma’ruzaçi sifatida iştirok etdi. Tadbirda energiya resurslaridan oqilona foydalaniş, energiya tejamkor texnologiyalarni rivojlantiriş va ularni amaliyotga tatbiq etiş masalalariga e’tibor qaratildi. Şuningdek, energiya samaradorligini oşiriş, zamonaviy texnologik yeçimlardan foydalaniş hamda uşbu yönalişda ilmiy izlanişlarni yanada rivojlantiriş yuzasidan fikr almaşildi. Xalqaro seminar professor-öqituvçilar va talabalarning soha böyiça bilimlarini kengaytiriş, xorijiy tajribani örganiş hamda ilmiy hamkorlikni mustahkamlaş uçun muhim imkoniyat yaratdi.
Haftalik doirasidagi yana bir mahorat darsi Ozarbayjon Respublikasining Arxitektura va quriliş Ozarbayjon universiteti Ijtimoiy fanlar kafedrasi dotsenti, doktor Rauf Tofiq öğli Mammadov iştirokida taşkil etildi. «Oliy ta’limda raqamli platformalarda hamkorlik (Ozarbayjon – Özbekiston misolida)» mavzusidagi mahorat darsida oliy ta’lim tizimida raqamli platformalarning örni, xalqaro akademik hamkorlikni rivojlantirişda zamonaviy axborot-kommunikatsiya texnologiyalarining imkoniyatlari hamda ta’lim jarayonida raqamli vositalardan samarali foydalaniş masalalari muhokama qilindi. Ma’ruzaçi Ozarbayjon va Özbekiston oliy ta’lim muassasalari tajribasi misolida raqamli hamkorlikning ahamiyati, masofaviy muloqot va bilim almaşiş imkoniyatlari haqida fikr yuritdi. Mazkur mahorat darsi iştirokçilarga xalqaro ta’lim makonida raqamli texnologiyalar orqali hamkorlikni yölga qöyişning zamonaviy yondaşuvlari bilan tanişiş imkonini berdi.
Qöqon davlat universiteti San’at va sport fakulteti Musiqa nazariyasi kafedrasida ham «Visiting Global Professors Week» doirasida mazmunli ilmiy-ma’rifiy tadbirlar ötkazildi. Qirğiziston Respublikasi Öş davlat universiteti Psixologiya kafedrasi mudiri, psixologiya fanlari doktori, professor, Qirğiziston Respublikasi Psixologlar assotsiatsiyasi vitse-prezidenti Akçaç Ölmasovna Joldaşeva iştirokida «Musiqa ta’limida psixologik yondaşuvlar va şaxsga yönaltirilgan pedagogik texnologiyalar» mavzusida mahorat darsi taşkil etildi. Unda musiqa ta’limi jarayonida psixologik yondaşuvlardan foydalaniş, ta’lim oluvçilarning individual xususiyatlarini hisobga oliş, şaxsga yönaltirilgan pedagogik texnologiyalarni qöllaş hamda öquvçilarning ijodiy salohiyatini rivojlantiriş masalalari atrofliça yoritildi. Professorning nazariy bilimlar va amaliy tajribaga asoslangan fikrlari iştirokçilarda katta qiziqiş uyğotdi.
Professor Akçaç Ölmasovna Joldaşeva tomonidan «Ta’lim jarayonida psixologik yondaşuvlar va xalqaro tajriba» mavzusida ilmiy seminar ham ötkazildi. Seminarda magistrantlar va doktorantlar bilan ilmiy tadqiqotlarni taşkil etiş, ilmiy maqolalar tayyorlaş, tadqiqot natijalarini xalqaro ilmiy naşrlarda e’lon qiliş hamda xalqaro ilmiy hamkorlik istiqbollari yuzasidan fikr almaşildi. Iştirokçilar özlarini qiziqtirgan savollarga javob oldilar, ilmiy izlanişlar samaradorligini oşiriş va xalqaro tajribadan foydalaniş böyiça muhim tavsiyalar bilan tanişdilar.
Umuman olganda, «Visiting Global Professors Week» xalqaro haftaligi Qöqon davlat universitetida ta’lim va ilm-fan integratsiyasini mustahkamlaş, xorijiy mutaxassislarning ilğor tajribalarini örganiş hamda professor-öqituvçilar, magistrantlar va doktorantlarning ilmiy salohiyatini yuksaltirişga xizmat qilmoqda. Turli sohalarni qamrab olgan xalqaro ma’ruzalar va ilmiy seminarlar universitetda akademik muloqot muhitini yanada rivojlantirib, xalqaro hamkorlikning yangi yönalişlarini şakllantirişga zamin yaratmoqda.
Öxşaş yangiliklar

Rektor yoşlarning innovatsion ğoyalari bilan tanişdi
Bugun ilm-fan va innovatsiyalar har bir jamiyat taraqqiyotining asosiy harakatlantiruvçi kuçiga aylangan. Ayniqsa, talaba-yoşlarning izlanuvçanligi, ularning yangiça fikr…

Yaşil makon — yaşil Özbekiston
Qöqon davlat universiteti Tabiiy fanlar va iqtisodiyot fakultetida tabiatga mehr, ekologik mas’uliyat va yaşil kelajakni tarğib etişga qaratilgan “Yaşil makon — Yaşil Özb…

Dissertatsiya himoyasi ötkaziladi
Qöqon davlat universiteti huzuridagi PhD.03/2025.27.12.Fil.34.02 raqamli Ilmiy kengaşda 2026-yil 28-noyabr kuni filologiya fanlari böyiça falsafa doktori (PhD) ilmiy dara…

















