Gandbol: Universiteti jamoasi yetakchi

Andijon shahridagi Universal sport majmuasida gandbol boʻyicha yoshlar oʻrtasidagi U-20 Oʻzbekiston chempionatining 2-davra bahslari yakunlandi. Musobaqada respublikamizning turli hududlaridan tashrif buyurgan jamoalar qatorida Qoʻqon davlat universiteti jamoasi ham muvaffaqiyatli ishtirok etdi.

Musobaqa davomida Qoʻqon davlat universiteti jamoasi quyidagi natijalarni qayd etdi:

🔹 Surxondaryo viloyati — 36:33

🔹 Qoraqalpogʻiston Respublikasi — 28:23

🔹 Xorazm viloyati — 26:24

🔹 Jizzax viloyati — 22:16

🔹 Namangan viloyati — 27:17

🔹 Buxoro viloyati — 26:17

🔹 Andijon viloyati — 26:16

Yuqori saviyadagi oʻyinlar va murosasiz bahslar yakuniga koʻra, Qoʻqon davlat universiteti jamoasi 14 ochko jamgʻarib, chempionatda peshqadam boʻlib turibdi.

Qoʻqon davlat universiteti jamoasiga 3-davra bahslarida ham ulkan zafarlar tilaymiz!